गजल( गाँस हराएका मान्छे)

छन् यहाँ अनगिन्ती गाँस हराएका मान्छे
आकाश ओढ्ने गर्दछन्, बास हराएका मान्छे

कोहि किन्छन् त कोही किनिन्छन् यहाँ
बिक्छन् बजारमा थरि थरिका, आश हराएका मान्छे

मेटिएर जान्छ मान्छे, फरक ढिलो चाँढो न हो
भेटिदैन छवि कतै, निराश निराश हराएका मान्छे

जाऊँ कहाँ जाऊँ ? बन्द छन् ढोकाहरु
जिउँदाको मलामी जाने देशमा, लाश हराएका मान्छे

संघर्ष यो जीवनको, नजन्मिदैँ अन्त्यसम्म
अक्सर मध्यान्ह पछि देखिदैँन, विश्वास हराएका मान्छे

ईश्वर बलामी
२०१६ ०१ २१