गजल(तिम्रो विकास)

बन्दा नबन्दै ढल्ने, तिम्रो विकास 

यसरी कसरी हो चल्ने? तिम्रो विकास

आँसुमा खेती गर्न सिकायौँ -किसानलाई

भकारी रित्याएर कागजमा फल्ने, तिम्रो विकास

“राम्रो” तिमीलाई राम्रो किन लाग्दैन ?

राम्रो जतिलाई नराम्रोमा बदल्ने तिम्रो विकास

एक पाऊ रहर र केहि किलो सपना किन्न

युवा देशका खाडीतिर टहल्ने, तिम्रो विकास

तिमीले भन्दै, हामीले सुन्दै गरेको हैन रछ

जनताको घर घरमा बल्ने तिम्रो विकास

ईश्वर बलामी

२०८०/०४/२३