गजल (सम्म रहन्छ)

अक्सर, कुनै पीर एक समयसम्म रहन्छ

तर मेरो पीर म रहेसम्म रहन्छ ।।

यात्रामा एक्लै छ बाटो, बाटो– आधा अनि अधूरो

कहिँ पुग्छु भनि पैताला नहिडेसम्म रहन्छ ।।

फूलहरु हुनु मात्र पर्याप्त छैन– बगैँचामा

माउरीहरु घारमा रानो रहेसम्म रहन्छ ।।

कुरा मात्र सधैँ बिक्दैन बजारमा, महोदय

सपना पनि संभावना भएसम्म रहन्छ ।।

रोक ! सक्छौँ भने दिनहुँ उड्ने चिलगाडीहरु

उडान पनि भूईमा मान्छे रहेसम्म रहन्छ ।।

ईश्वर बलामी

2080/06/21