खहरे, खोला अनि अनगिन्ति नदि लिएर !
शान्त हुन्छ पानी सागर भेटेपछि समाधि लिएर !!
तेरो र मेरो गरेरै जिन्दगी बिताउनेलाई के थाहा ?
काल बसेको छ कुरेर, चिहानमा घडि लिएर !!
वर्षौ भईसकेको छ, पहिरो गएको पनि आँगनमा
निन्द्रा लाग्दैन घरलाई, दिनरात त्रासदी लिएर !!
कसले भन्छ ? सरकार छैन भनेर यो देशमा
झरि थामिएपछि आउँदैछ, वर्सादी लिएर !!
युगौँ युगले सम्झिरहने छ, यो दशकलाई
जो जादैँछ विदेश, यो देशको शताब्दी लिएर !!
ईश्वर बलामी
२०८०–०५–०७
No comments:
Post a Comment