गजल (बाँकी नै थियो)

केही आए, केहीलाई भने बोलाउन बाँकी नै थियो

सपनाहरुको शोकमा सपनाहरु भुलाउन बाँकी नै थियो

तिमीले बोलायौँ, धन्यवाद ! तर म आउन सक्दिन थेँ

मलाई मलामीहरुलाई भोज खुवाउन बाँकी नै थियो । 

मलाई जात्रा बनाएर समयले जात्रा हेर्दै गरेको बेला

जात्रा हेर्न गएका मेरा साथीहरु नुहाउन बाँकी नै थियो

जति पनि पीडाहरु अट्ने खालको हुन्छ, मनको आकार

मन त हो ! मनले मनको मनलाई रुवाउन बाँकी नै थियो ।

मैले मलाई एक्लै छाडेको पनि धेरै नै भै सकेको छ

नाफा घाटा के कति भयो ? हिसाब मिलाउन बाँकी नै थियो ।

ईश्वर बलामी

२०८०÷०५÷१५