ठूला र सानामा समानता बनाएको देख्न पाइएन ।।
व्यवस्थाले अवस्थामा भिन्नता बनाएको देख्न पाइएन ।।
समयको कालखण्डहरुमा जनताले धेरै नेता बनाए, देखेको छु
तर दुर्भाग्य नेताले जनता बनाएको देख्न पाइएन ।।
तेरो भन्यौँ, मेरो भन्यौँ तर हाम्रो भन्न कहिल्यै जानेनौँ
शक्ति स्वार्थले हामीमा एकता बनाएको देख्न पाइएन ।।
कुरा गर्यौँ, र फेरि कुरा गर्ने निर्णय पनि गर्यौँ
अफशोच, काम गर्ने प्रतिबद्धता बनाएको देख्न पाइएन ।।
कहिँ पुग्छु भनि निश्चय गरेकाहरु पुगेरै मात्र छोड्छन् ।
बाटोले पाइला छेक्ने क्षमता बनाएको देख्न पाइएन ।।
ईश्वर बलामी
२०८०/०७/२४
