गजल(मान्छेलाई मान्छेले मारेकै छ ।)

आफ्नालाई पनि पराया जस्तै पारेकै छ ।
दिने पनि हारेकै , लिने पनि हारेकै छ ।

सुखको साथी हो, यो पैसा भन्ने चीज पनि
दुःखमा त बहाना अनेक गरी तारेकै छ ।

आज भन्दा भन्दै, भोली भन्दा भन्दै
जीवनभर भाका दिनको दिन सारेकै छ ।

घमण्ड नगर आज तिम्रो साथमा  छ भनेर
जस्ताको पनि शेखी पैसाले झारेकै छ ।

न्याय खोजूँ म कहाँ ? यहाँ त दिन दहादै
पैसैको लागि मान्छेलाई मान्छेले मारेकै छ ।

2016.04.23
Ishwor Balami