गजल(रहर छोडेर कहाँ जाउँ ?)

तिम्रो जस्तो मेरो पनि रहर छोडेर कहाँ जाउँ ? रहरै रहरमा उभिएको शहर छोडेर कहाँ जाउँ ? फूलै फूलको डोली चढि खुशीहरु आँखामा बास बस्ने शहरको लहर छोडेर कहाँ जाउँ ? मूर्ति बनेर ढुंगाहरु बोल्ने यी गल्लीहरुमा ढल्दै गरेको आँसुको कहर छोडेर कहाँ जाउँ ? अधेँरो शहरमा हुर्किएको मेरो रगिंन शहरको तीरै तीर बग्ने नहर छोडेर कहाँ जाउँ ? हजारौ सपनाहरु निदाएको मूर्छित शहरमा पनि आशाहरु सिंचिएको प्रहर छोडेर कहाँ जाउँ ? ईश्वर बलामी 2015~6~18